Республикыште школ да йочасад-влакым финанс-кредит организаций полшымо дене чоҥаш палемдат. Регион вуйлатыше Александр Евстифеев тиде йодышым Марий Элыште Сбербанк отделенийын вуйлатышыже дене каҥашен. Тидын шотышто ойпидыш сай лектышым пуа гын, 2022 ий марте Килемар район Кугу Памъялыште у школым ыштен шуктат. Кызыт тудо кундемыште школ тошто, посна шогышо вич оралтыште верланен, эсогыл телым коҥгам олтат. Таче кечын тушто 60 йоча тунемеш, 20 икшыве йочасадышке коштеш. Концессий йӧн дене тунемме вер-влакым вес регионлаштат чоҥат. Правительстве финанс учреждений дене ойпидышым ышта, а 15 ий гыч социал объект кугыжаныш погышко кусна. Сбербанкыште шотлен лукмо дене, школын проектше ямде, тидлан 168 млн теҥге кӱлеш. Тидын дечын вара рӱдолаште 1200 верлан школым ыштыме проектым ончаш тӱҥалыт. 
Комментариев: 0