ОРВИ дене черланыше-влак шукемыт. Роспотребнадзор виктем палдара. Эртыше арняште республикыште 4 тӱжем утла еҥын пӱсӧ респираторный вирусан инфекцийым палемденыт, грипп республикыште уке. Чер дечын аралалташ вакцинаций полша. Тений республикыште 410 тӱжем утла еҥлан прививкым шындышаш улыт. Тиде республикыште илыше-влак дечын 60%. Лӱдыкшӧ тӱшкаште улшо-влаклан привикым утларак ышташыш улыт, медицин да образований учрежденийлаште тыршыше-влаклан гын 80-90% приивкым шындышаш улыт. Республикыште кугыеҥ-влаклан 102 тӱжем утла дозо вакциным конденыт, йоча-влаклан 39 тӱжем вакцине уло. Республикыште прививкым ыштат. Тидлан тӱрлӧ акций-влак улыт, поликлинике-влакын мобильный бригадышт еҥ-влак деке вашкат. Таче кечын 54 тӱжем утла кугыеҥлан грипп дечын привикым ыштеныт. Медицин пашаеҥ-влак ушештарат, кажне ийын грипп дене чыла еҥ гыч 10% черлана. Кӧ прививкым огеш ыште гын, 3-4 пачаш шукырак годым эмлымверышке миен эҥертат. Тидын шотышто врач-влак вакцинацийын кӱлешлыкше шотышто ушештарат. Республикыште вакцинацийым ышташ мобильный пункт-влак улыт. Йошкар-Олаште мутлан, Юбилейный площадьыште, рӱдӧ пазарыште, тыгак Сомбатхей микрорайонышто. Мобильный пункт-влак сай игече годым веле пашам ыштат. Прививкым тыгак Поликлиникын 3-шо номеран филиалыштыже ышташ лиеш, Йошкар-Ола, Вашский урем 7 номеран пӧрт.
Комментариев: 0