Лишыл жапыште регионышко Covid-19 ваштареш 588 дозо вакциным кондат. Прививкым эн ончыч медпашаеҥ-влаклан ыштат. Тидын нерген Оперативный штабын черетан заседанийыштыже тазалык аралымаш министр Марина Панькова увертарен. Коронавирус ваштареш вакциным аралымаште йодмаш уло, тудым 18 градус йӱштыштӧ аралыман. Шулыктарымеке, 30 минут жапыште шынден шуктыман. Ик гана прививкым шындымеке, кум арня гыч вакциным уэш шындыман. Ийгот шотышто гын, тудым 18 гыч 60 ияш марте еҥ-влаклан ыштат. «Республикыште вакциным аралаш келшыше йӧн уло», - иктешлен тазалыкаралтыш министр. У коронавирус инфекцийым шижтарыме шотышто ойлаш гын, республикыште 7 медицин организацийыште 535 койко вер уло. Инфекционный стационарлаште 360 утла еҥ эмлалтеш. Тидыже улшо вер гыч 68%. Пытартыш кок арняште эмлымверлашке логалше-влакын чотышт 27% шукемын, тӱҥ шотышто тиде Йошкар-Ола, Медведево, Курыкмарий да Волжский районлаште. ИВЛ аппарат чылаже мыняр кӱлеш гын, 70 % веле уло.
Комментариев: 0