Советский поселкысо 3-шо номеран школын физикым туныктышыжо Ольга Костюнина «Идалыкын туныктышыжо» конкурсын сеҥышыже. «Идалыкын воспитательже» номинацийыште - Звенигово оласе «Светлячок» йочасадын педагог-дефектологшо Татьяна Александрова ойыртемалтын. «Марий йылмым туныктышо» конкурсышто Параньга район Куракино школышто тӱҥалтыш классым туныктышо Светлана Максимова сеҥен. Тений идалыкын туныктышыжо, идалыкын воспитательже да марий йылмым туныктышо конкурс-влакым Советский поселкышто иктешленыт. Конкурс икмыняр этап дене эрта. Школ районысо конкурсышко туныктышым темла, тушто сеҥыше республике кӱкшытан конкурсышто профессионал мастарлыкым ончыкта. Тений туныктышо да воспитатель-влак «Методический семинар», «Урок», «Мастарлык класс», Публичный лекций тергымашым эртеныт. Регионысо этапышке 30 утла пашаеҥ ушнен.
Комментариев: 0