Йошкар-Олаште нылле наре «наливайкым» петырат. Шочмын республикыште у закон вийым налын. Тудын дене келшышын, общепит заведенийлаште аракам ужалыме шотышто ешартыш чарак-влак улыт. Законышко шке кидпалыжым Марий Эл вуйлатыше Александр Евстифеев пыштен. Пурышо вашталтыш дене, общепит шуко пачеран пӧртыштӧ верланен, да тушто 50 квадрат метр кумдык дечын шагалрак гын, тыгай верыште аракам темкален ужалаш огеш лий. Йошкар-Олаште тиде радамыште 38 тыгай вер. Заведений-влакын озашт шочмо гыч нине верлаште аракам ужалышаш огытыл. Тыгак нуно залыштым кумдаҥден але паша профильыштым вашталтен кертыт.
Комментариев: 0