15:31, 22-09-2020Тений шыжым республикыште чодырам шындыме икмыняр акций лиеш

Тений шыжым республикыште чодырам шындыме икмыняр акций лиеш. Тиде мутлан, «Ужар Россий», «Чодырам аралена», «Марий Эллан 100 ий темме» лӱмеш. Пытартышышкыже деке регионышто илыше, кучем орган-влакын еҥышт, студент, школышто тунемше, волонтер да чодыра пашан ветеранже-влак ушнат. Акций тиде арняште Куяр лесничествыште лиеш. Тӱҥ шотышто шыжым 30 гектар кумдыкышто изи пушеҥгым шындат.