Погода в Йошкар-Ола:
Марий Эл Телерадио » Марий Эл Радио » Шкетан лӱмеш марий кугыжаныш драме театр финн-угор театр-влакын «Майатул» фестивальыштым вашлиеш

15:36, 23-09-2020Шкетан лӱмеш марий кугыжаныш драме театр финн-угор театр-влакын «Майатул» фестивальыштым вашлиеш

 Шкетан лӱмеш марий кугыжаныш драме театр  финн-угор театр-влакын «Майатул» фестивальыштым вашлиеш. 13 гана эртаралтше кугу театр пайремышке тений  Мордовий, Удмуртий, Коми республикыла, Коми-Пермяцкий, Хант-Манси автономный округла гыч коллектив-влак толыт. Фестивальыште Марий Элын ныл театрже шке  пашажым ончыкта. Изарнян, 24 сентябрьыште, М.Шкетан лӱмеш марий кугыжаныш драме театр «Окса тул» комедийым аклаш луктеш, Марий самырык театр «Марпа. Рошто Поран» драмым темла, республикысе курчак театр фестивальын унаже семын «Йӱд орол» этнофутуристический мистерийым ончыкта. Курыкмарий театр тений шке спектакльжым Козьмодемьянск олаштак ончыкта. Шкетан лӱмеш театр тыгак «Йыван Кырла. Путевка в жизнь» документальный драмым луктеш. Эстонийысе Тапа ола гыч театрын да Хант-Манси автономный округ гыч «Солнце» театрын спектакльлаштым Онлайн-йӧн дене ончыктат. Артист да режиссер-влакын пашаштым профессионал жюри акла. Тений театр критик-влак Москва, Уфа да  Йошкар-Ола гыч лийыт. «Майатул» фестивальым 30 сентябрьыште пайремлын мучашлат, а 2 октябрьыште Марий Элын рӱдӧ олаштыже вес кугу фестиваль тӱҥалеш. Тиде - «Театральный Йошкар-Ола».

Просмотров 229
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий

  • Кликните на изображение чтобы обновить код, если он неразборчив