5 октябрьыште туныктышо-влакын пайремышт. Таче кечын республикыште 251 школлаште 6 тӱжем утла туныктышо пашам ышта. У тунемме ий Владимир Путинын темлымашыже дене национальный проект дене икмыняр сай вашталтышым пуртен. Йошкар-Олаште у школым, республикыште «Точки роста» рӱдер-влакым 15 вере почыныт, лишыл жапыште Волжск олаште школын у корпусшым ыштен шуктат, тунемме вер-влаклан компьютерым, пищеблоклашке у техникым налыныт. Республике правительствын планже дене школ-влакым ончыкыжымат чоҥаш, улшо тунемме вер-влакын реконструкцийжым , ешартыш шинчымаш пуымо рӱдер-влакым ышташ. Республикысе туныктыш министерстве увертара: туныктышын кечыже вашеш республикыште 3893 туныктышо классым вуйлатымылан 5 тӱжем теҥге дене налыныт. Тиде выплатым сентябрь гыч кажне тылзын тӱлат. Тидын дене пырля регион кӱкшытыштӧ выплате аралалтын кодын. Тудым 4000 наре туныктышо налеш.
Комментариев: 0