Россий Правительстве коммунал инфраструктуро объект-влакын модернизаций шотышто пилотный проектлаштым сайлан шотлен. Кодшо арняште республикыкышке Россий Правительстве Председатель Михаил Мишустин толын. Тиде арняште вич регион дене пырля Марий Эллан коммунал инфраструктурым саемдаш шийвундым ойырымо нерген увертареныт. Россий правительствын распоряженийже дене тидлан 1 миллиард утла теҥгем палемдат. Тышке 60+ программым илышышке пуртымым ешараш гын, лишыл ийлаште Юл серысе олан коммунал сферыже уэмеш.
Олан вӱд пуч системыжым вес ийын тӧрлаш палемдат. Инженерый сеть дене документаций экспертизым эртен. Ешарена, Козьмодемьянск олаште 60+ программе моло федерал проект-влак дене пырля илышышке пура.
Чыла проект-влакын шукталтмыштым федерал кӱкшытыштат тергат. Шукерте огыл республикышке премьер-министр Михаил Мишустин да Марий Элын кураторжо, Россий чоҥымаш министр Владимир Якушевын толмышт тидым пеҥгыдемден.
Комментариев: 0