Марий Эл Телерадио » Марий Эл Радио » У тунемме ийым у класслаште тӱҥалыныт

17:04, 7-10-2020У тунемме ийым у класслаште тӱҥалыныт

У тунемме ийым у класслаште тӱҥалыныт. Йошкар-Олаште 7-ше номеран школым тӧрленыт. 1 октябрьыште кугурак класслаште шинчымашым погышо-влакын уэмдыме корпусышко толыныт. Зданий ачалымаш дечын вара тӱрыс вашталтын. Тушто столовый, спортзал, вургемым вашталтен чияш вер, кабинет-влакым ачаленыт. 

Тӱҥалтыш класс-влак блокышто чоҥышо-влак ноябрь марте пашам ышташ тӱҥалыт. Тушто капремонтым негыз гычак ыштат. Ончычсо оралтын пырдыжше веле кодын. Кызыт коммуникацийым: электрике, шокшым пуышо системе, вӱд пучым тӧрлат.

 Таче кечын Йошкар-Олаште 7-ше школышто 1300 йоча тунемеш. Тӱҥалтыш классын зданийжым 1939 ийыште чоҥеныт, кугырак класслаште тунемше-влаклан корпусым – 1978 ийыште. Ноябрь мучаш марте школым тӱрыснек олмыктен шуктышаш улыт. Пашалан 100 утла миллион теҥге ойыралтын. 

Просмотров 447
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий