Республикыште идалык мучаш марте 17 ФАП-ым ыштен шуктышаш улыт. «Тазалыкаралтыш» нацпроектын «Икымше медицин-полышым вияҥдыме системе» регионысо проект дене яллаште фельдшер-акушер пунктым чоҥаш 14 кугыжаныш контрактым пеҥгыдемдыме. Таче кечын куд районышто 9 объектым ыштат. Волжский районысо Усола Карамас, Пӱнчысола, Пӧртанурышто, Курыкмарий районышто кок ФАП-ым ыштат, Марий Турек районышто Марий Пыламарий ялыште, Медведево район Арбан да Кугу Ноляште, Шернур район Зашижемье да Ананурышто. Таче кечын мебельым налаш да вераҥдаш конкурсым увертарат. Тений нине проект-влакым илышышке пурташ 153 миллион теҥге ойыралтеш.
Комментариев: 0