Республикыште 134 тӱжем гектар кумдыкышто пырчым поген налыныт. Тидыже план дечын 100 процент. 346 тӱжем тонным шийыныт. Уржа лектыш ик гектар гыч 26 центнер. Кодшо ий дене таҥастараш гын, тений озанлык-влак курал-удымӧ кумдыкыштым 9 процентлан шукемденыт. Пареҥгым гын, тений 1 тӱжемат 800 гектарыште шынденыт, 43 тӱжем тонным кӱнчен луктыныт, лектыш ик гектар гыч 242 центнер. Кызыт озанлык пашаеҥ-влак кокияшым ӱдат, тыгак мландым парлан куралыт. Кокияшым план дечын 94 процент кумдыкышто ӱденыт. Йытыным 680 гектарыште почкеныт, тиде план дечын 75 процент.
Комментариев: 0