Российысе просвещений министерстве партнер-влак дене пырля элнан чыла гаяк регионыштыжо кугу проектым илышыш шыҥдара. Тушко коронавирус пандемийлан кра эҥгекыш логалше еҥ-влаклан профессионал шинчымашым пуышо программым эрташ темлат. Курсым школ, техникум да ВУЗ-влакын выпускникышт, пандемий годым паша деч посна кодшо да сокращенийыш логалын кертше еҥ-влак эртен кертыт. Ик тылзе жапыште участник-влак тунеммашым эртат да нунылан у специальностьым налме нерген документым кучыктат.
Марий Элыште тыгай тунеммашым эрташ кызыт 200 еҥ кумылжым ончыктен. Тунемме программе кышкарыште у профессийым 15 тунемме программе почеш налаш лиеш. Темлыме специальность-влак коклаште – кулинарий, дизайн, бухгалтерий, педагогике, маляр да декоративный паша, кермычым оптымаш, IT-cпециальность-влак. Проект республикысе 8 колледж да техникумышто шыҥдаралтеш. Тиде программе тыландат келшен толеш гын, expressworldskills.ru але трудвсем.ru. сайтыште заявкым кодаш лиеш.
Комментариев: 0