Марий Эл Телерадио » Марий Эл Радио » Марий кугыжаныш университетыште симуляционный рӱдер почылтын

15:47, 19-10-2020Марий кугыжаныш университетыште симуляционный рӱдер почылтын

Марий  кугыжаныш университетыште симуляционный рӱдер почылтын. Тудым медицине факультет пелен ыштеныт. Тушто «Лечебное дело», «Педиатрий» да «Фармаций» аланыште тунемше-влак шкем шуарен кертыт. Рӱдерым почмаште Марий Элым вуйлатыше Александр Евстифеев лийын. Тудо вашкеполышым пуымо пӧлемлам, электрон медицин образований лабораторийым ончен лектын. Медицин факультетын деканже Виктор Никитинын ойжо почеш, ты рӱдерыште медпашаеҥ-влакын аккредитацийышт шотышто кугыжаныш экзаменым эртараш, студент-медик, врач да медшӱжар-влакым туныкташ сай йӧн уло. Кӧ шке ожсо профессийже деке пӧртылнеже гын, рӱдерын омсаже эреак почмо. Ешарыман, ты рӱдерыште кызытсе жаплан келшен толшо оборудований, манекен-влак улыт. Нуно айдемын физиологий ойыртемжылан сайынак келыштаралтыныт. Марий кугыжаныш университет пеленсе аккредитаций рӱдерым Александр Евстифеев ВУЗ-ын сай пашаже семын палемден коден.Рӱдерын ик эн тӱҥ пашаже – ончыкылык провизор-влакым ямдылымаш. Республикын вуйлатышыже тыгак  туныктымо аудиторий-влакым ончен лектын. Тыште гын нуным «станций-влак» маныт. Тыге, мутлан, препаратым ыштыме да аптеке кӧргысо тергымаш кабинетыште регион вуйлатышылан эмлан тӱрлӧ формо-влакым ямдылымашым ончыктеныт. Александр Евстифеев моло станций-влакымат ончен лектын. У рӱдерым почмо годым Республик вуйлатыше палемден: тачысе кечын квалификациян медпашеҥ-влакым ямдылымаш эн чот кӱлешан. Медицин факультетлаште тунемше студент-влак пандемий жапыште волонтер семын веле огыл, тыгак специалист семын медицин полышымат пуат, а тиде – моткоч шерге. Александр Евстифеев ончыкылык врач, провизор-влаклан шке пашалан ӱшанле лияш тыланен.

Просмотров 435
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий