Корно озанлык пашаеҥ-влак лӱмеш эн поро мут йонген. Эртыше кечылаште корно озанлык пашаеҥ-влак шке пайремыштым палемденыт. Республикын вуйлатышыже Александр Евстифеев ты озанлыкыште тыршыше чыла пашазым профессионал кечышт дене саламлен. Вуйлатыше палемден: пытартыш жапыште «Лӱдыкшыдымӧ да сай автомобиль корно» нацпроект полшымо дене Марий Эл кумдыкыштат корно ачалыме паша писынрак да сайракын шукталтеш. Тыгодым корно озанлыкыште тыршыше-влакынат пашам кÿлеш семын да чыла шот дене келыштарен ыштымыштым палдарен коден. Александр Евстифеев ты пашан ветеранже-влакланат таумутым каласен да тазалыкым, пеҥгыдылыкым, чон ласкалыкым тыланен.
Комментариев: 0