Марий Эл Телерадио » Марий Эл Радио » Йошкар-Олаште эше ик у чапкӱм почыныт

16:09, 19-10-2020Йошкар-Олаште эше ик у чапкӱм почыныт

Эртыше каныш кечылаште Йошкар-Олаште эше ик у чапкӱм почыныт. Тиде «Тёплая речка» трактир воктен верланыше туризмлан пӧлеклалтше композиций. У чапкӱм почмашке республикын вуйлатышыже  Александр Евстифееват миен коштын.  Тудо палемден: пытартыш жапыште Марий Элыш толын коштшо-влакын чотышт койын кушкын. Лач пытартыш ий гына икмыняр чаракым ыштен. Но туге гынат, вес кундемлаште илыше еҥ-влаклан Марий Эл республике утларак да утларак оҥай вер-шӧрыш савырна. Вет 2018-ше ий гыч Марий Эл событий дене кылдалтше туризм шот дене 30 эн сай регионыш пура. Тӱҥ событий кокла гыч «Бендериада сатир да юмор» фестиваль, тыгак яндар южышто эртарыме «Акпатыр» опер да тулеч моло постановко-влак. Тиде кечынак  «Тёплая речка» трактирыште у рекордым шынденыт - Республикын лӱмгечыжлан пӧлеклалтше эн кугу тортым ыштеныт. Мо оҥайже, тиде тортым кундемнан картыжын формыж семын ямдыленыт. У рекордым Российын тӱҥ рестораторжо Олег Назаров регистрироватлен. Пайремыште тыгак Федерацийын советын калык-влак кокласе паша шотышто комитетын вуйлатышыже Константин Косачёв, Татарстан, Коми Республикласе туризм министр-влак лийыныт.

Просмотров 412
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий