Марий Эл Телерадио » Марий Эл Радио » У паша, у шинчаончалтыш, у шӱлыш

15:47, 27-10-2020У паша, у шинчаончалтыш, у шӱлыш

Шкетан лӱмеш марий кугыжаныш драме театрыште у постановкым ямдылат. Тудын негызшылан «Ший пӱян Ший Пампалче» марий калык йомакым налыныт. Инсценировкым драматург Зинаида Долгова келыштарен. Ик эн йӧратыме да сайын палыме йомакын тӱҥ сюжетше тыгай – мотор да лӱддымӧ Пампалчым Вӱдон марлан налнеже. Кочо илыш деч утлаш,  ушан-шотан ӱдыр мом шонен луктеш? Тудлан кӧ полша? Акрет годымак шочшо йомакын содержанийже тачысе жаплан келыштаралтын, сценыште ончыкталтеш. Каласыман, тыгайже мемнан кундемыште икымше гана лиеш. Муро-куштымашлан поян, марий шӱлыш дене темше, мотор вургем да декораций дене сылнештарыме, марий калыкын илыш-йӱлажым, тӱняумылымашыжым почын пуышо – теве тыгай лиеш черетан спектакль. У постановкышто театрын тичмаш труппыжым ужын кертына. Тӱн роль-влакым Светлана Строганова, Марина Воронцова, Иван Смирнов, Сергей Данилов, Алексей Сандаков, Эдуард Яковлев, Иван Соловьев да молат модыт. У спектакльым режиссер Роман Алексеев шында, сӱретче-постановщик – Сергей Таныгин, костюм шотышто суретче  - Лариса Воробьёва, композитор семын Светлана Яндукова тырша.  Постановкым калык ончыко декабрьыште луктыт. 

Просмотров 535
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий