«Усталыкын чекше уке», - маныт калыкыште. Тазалык дене эмганен вияҥше йоча-влак тиде шонымашым эше ик гана пенгыдемденыт. Моткоч сай йӧным «Творчество без границ» лӱман фестиваль ыштен. Начарын ужшо йоча-шамыч тений 4-ше гана погыненыт. Но фестиваль онлайн форматыште лийын. Тушко Российын 4 регионжо, Марий Эл, Чуваший, Татарстан да Угарман кундем гыч 71 йоча ушнен. Нунын усталыкыштым жюрин еҥже-влак 5 номинацийыште акленыт. Тиде - «Вокал», «Художественное слово», «Инструментал сем», «Кид паша» да «Хореографий». Фестиваль мучашлалтын, а шарнымаш ятыр жаплан кодеш. Онлайн формат тыглай вашлиймашым нимо дене огеш вашталте. Участник-влак ушанат, ончыкыжым нуно сценыш лектыт да икте-весылан рӱж совым пералтат. Сеҥыше радамыш логалше-влаклан дипломым да шере пӧлекым кучыктеныт, а гран-прим Угарман кундем гыч Анна Белякова налын. Тудо «Гармонь моя» мурым йонгалтарен.
Комментариев: 0