Похожие новости
Мы рекомендуем Вам зарегистрироваться либо войти на сайт под своим именем.
Республикыште образцовый содержаниян пӧрт да тыгаяк лӱман илымвер-коммунал сферын предприятийже уло. Тиде чап лӱмым Йошкар-Олаште Карл Маркс урем 126 номеран пӧрт да «Йошкар-Оласе ТЭЦ-1» муниципал унитарный предприятий суленыт. Диплом-влакым кодшо кечылаште илымвер-коммунал озанлыкым реформироватлаш полшышо фондын вуйлатышыже Константин Цицин кучыктен. Нине пале-влак пӧрт да МУП-ын пырдыжшым сылнештарат. «Образцовый» лӱмым сулышо шуко пачеран пӧрт моло пӧртла дечын ойыртемалтеш. Подъезд ару, окнам пеледыш сылнештара, пӧрт йыр клумбо-влак. Тидын дене пырля подъездыште энергийым аныклыше лампе улыт, пожарым йӧртышӧ системым модернизироватлыме, видеоэскерымаш системе уло. Пӧртыштӧ илыше-влак улшо йодышым куснылдымо пого оза-влак товариществын председательже Людмила Саркеева дене пырля рашемдат.
«ЖКХ-н образцовый предприятийже» лӱмым «Йошкар-Оласе ТЭЦ-1» МУП-ын директоржо Игорь Бондарчуклан кучыктеныт. Пытартыш ийлаште тиде предприятийын парымже шагалемын, туштат энергийым анклыше программым илышышке пуртат.
Комментариев: 0