Йошкар-Оласе корно-влакым эрыкташ ныл единице техникым налыт. Тидын нерген Йошкар-Оласе администраций увертара. «Город» муниципал предприятийын автопаркше комбинированный корно технике дене пойдаралалтеш, тидлан 30 миллион теҥгем ойырат. Ешарен каласаш лиеш, тиде предприятий оласе корным шотышто куча, а тиде 415 урем, нунын кужытшо 308 километрышке шуэш, 610 тӱжем квадрат метр тротуар, тӱшкан пайдаланыме транспортын шогалме верже, йолешке-влакын корновончакышт, йӱр вӱд йоген кайыме канализаций, 13 кӱвар. Теле жапыште автомашина корным шотышто кучаш предприятий ошма-шинчал вартышым да галитым – технический шинчалым ямдылен.
Комментариев: 0