12:57, 9-11-2020Суд пристав федерал службын Марий Эл Республикысе виктемже журналист-влак кокласе конкурсын регионысо этапшым иктешлен

Коллегына-влакын пашаштым черетан конкурсышто палемденыт. Суд пристав федерал  службын Марий Эл Республикысе виктемже журналист-влак кокласе конкурсын регионысо этапшым иктешлен. "МЭТР" телеканалын усталык группыжо, а тиде журналист Наталья Ямаева, телеоператор Николай Казаков, режиссер Федор Волконидин да йӱк режиссер Николай Иваков «Эн сай телесюжет» номинацийыште диплом дене палемдалтыныт. Конкурышто  жюри тӱҥ судебный приставлан 10 ий утла пашам ыштыше Валерий Осипов дене интервьюм кӱкшын аклен.