Йошкар-Ола гыч ик тӱжем утла еҥ социал органла дене социал контрактым пеҥгыдемден. У йӧн дене тыгай еҥ-влак пайдаланен кертыт, кӧн парышыже республикыште илен лекташ ситыше кугыт – а тиде ик еҥлан шотлымаште 10 575 теҥге деч - шагалрак. Нине граждан-влак пашам ыштат гынат, неле илыш ситуацийышке логалшылан шотлалтыт. Кугыжаныш нунылан полышым ойыра. Тачысе кечын Йошкар-Олаште 1048 еҥ социальный контрактым пенгыдемден, тышечын 8 еҥ шке бизнесшым почын, 172 еҥ у профессийым налын, 244 еҥ у паша верышке куснен, 624 еҥлан материальный полышым ойыреныт. Контрактым пеҥгыдемдаш социал аралтыш рӱдерлашке паша книжкам, вара кажне тылзын пашам ыштыме шотышто справкым кондыман. Тиде проект Российын икмыняр регионыштыжо пилотный семын илышышке пура. Марий Эл – нине регион-влак радамышке пурен. Социал полышым вургем, йолчием, тыгак йоча-влаклан тӱрлӧ сатум налашлан кучылташ лиеш.
Комментариев: 0