14:26, 12-11-202017 ноябрьыште кевытлаште пеҥгыде йӱышым ужалаш огыт тӱҥал

17 ноябрьыште кевытлаште аракам ужалаш огыт тӱҥал. Студент-влакын тӱнямбалсе кечынже республикыште пеҥгыде йӱышым ужалаш огеш лий. Предприниматель-влаклан экономике вияҥмаш министерствыже ушештара: законым пудыртышо-влаклан штрафым тӱлыктат: должностной лица-влаклан 20 гыч 40 тӱжем теҥге марте, юридический лица-влаклан 100 гыч 300 тӱжем теҥге марте. Регионышто арака сатум йоча да самырык-влак дене кылдалтше пайрем кечылаште ужалаш чарыме, тиде 1 сентябрь, 1 да 27 июнь да 25 январьыште.