Тений 170 километр корным нормативлан келыштарен шуктышаш улыт, ятыр вере пашам мучашлыме. Корно-влакын лӱдыкшыдымылыкышт нерген регионын вияҥмашыже шотышто Правительстве комиссийын заседанийыштыже каҥашеныт. Видеоконференцийым Россий Правительстве Председательын алмаштышыже Марат Хуснуллин эртарен. Марий Эл нерген ойлаш гын, пытартыш 10 тылзыште республикыште корно туткар-влак, аварийлаште сусыргышо да ӱмыр лугыч лийше-влакын чотыштат шагалемыныт. 1 ноябрьлан ончымаште федерал, республике да верысе корнылаште 562 корно туткар лийын, тиде,кодшо ий тыгаяк жап дене таҥастарымаште, 22% шагалрак. Федерал кугорнылаште корно палым да разметкым ыштен пытареныт. Шуко корно туткар лийыме верыште фотовидеофиксаций комплекс-влакым вераҥденыт. Регионысо проект дене келшышын Йошкар-Олаште Киров да Строителей урем-влакым ушышо корным ыштат. Тиде проектым 5 миллиард утларак теҥгелан акленыт.
Комментариев: 0