Баннер
Марий Эл Телерадио » Марий Эл Радио » Марий Элыште коронавиурс инфекцийым шижтарыме шотышто посна ямде улмо режимым 15 январь марте шуйымо

10:43, 13-11-2020Марий Элыште коронавиурс инфекцийым шижтарыме шотышто посна ямде улмо режимым 15 январь марте шуйымо

Марий Элыште коронавиурс инфекцийым шижтарыме шотышто посна  ямде улмо режимым 15 январь марте шуйымо. Регион вуйлатыше указышке кидпалыжым пыштен. Пурышо вашталтыш дене келшышын, 23.00 шагат гыч 06.00 шагат эр марте кафе, бар-влак, йӱд клуб-влак пашам ышташ огыт тӱҥал. 16 ноябрь гыч 6 декабрь марте 1 гыч 4 класслаште тунемше-влакын каникул лиеш. Тыгодым республикысе туныктыш да шанче министр Наталья Адамован мутшо дене тиде «ушан каникул-влак» лийыт, йоча-влаклан уш-акылым пудыратыше заданий, интерактивный модыш-влакым темлат, тидлан оценкым шындаш огыт тӱҥал. 5 гыч 11 класслаште тунемше-влак, тыгак колледж да техникумлаште шинчымашым погышо-влак  дистанционно тунемаш тӱҥалыт. 16 ноябрь гыч 15 январь марте ийготыш шудымо-влак ужалыше рӱдерлаште кугыеҥ але законный представитель дечын посна лийын огыт керт. Указышке пуртымо вашталтыш дене йоча комнате, йоча рӱдер-влак пашам ышташ огыт тӱҥал. Роспотребнадзорын вуйлатышыже Светлана Булатован мутшо дене 65 ий дечын кугырак-влак, тыгак хронический чер дене орланыше-влак  самоизоляций режимым шотышко налшаш улыт. Тӱшка верлаште еҥ-влаклан маскым чияш да дистанцийым эскераш темлат. 

Просмотров 711
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий