Марий Эл Телерадио » Марий Эл Радио » Киров ден Строитель урем-влакым ушымо корным чоҥымо паша палемдыме жапыштыже кая

14:04, 18-11-2020Киров ден Строитель урем-влакым ушымо корным чоҥымо паша палемдыме жапыштыже кая

Киров ден Строитель урем-влакым ушымо корным чоҥымо паша палемдыме жапыштыже кая. Тиде магистраль эҥер гоч эрта, садланак кӱварым, путепровод-влакым ышташ тӱҥалыт. Вес арняште лӱмын техникым кондат, пашазе-влак кок метрат пеле келгытыште канализаций пуч-влакым опташ тӱҥалыт. Тиде пашам теле жапыште, йӱштышто ыштыман, садланак кызытсе игече келшен толеш. Пашам специалист-влак кум арня гыч мучашлышаш улыт. Техникым лишыл кечылаште вес регион гыч кондат, молан манаш гын, эҥерым келгытыште буритлыше технике Российыште икмыняр организацийыште веле. Садланак пашаеҥ-влакат вес регион гыч толыт. 

 Корнын кужытшо ныл километр, ныл полосан лиеш. Кок полосаже – автомобиль-влаклан – кум метрат пеле кумдыкан, эше кокытшо – тӱшкан пайдаланыме транспортлан. Магистраль корным чоҥен шукташ ныл ийым пуымо. Черетан этап  дене регион вуйлатыше Александр Евстифеев палыме лийын, генеральный подрядчик дене мутланен. 

Просмотров 513
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий