Регион вуйлатыше Москваште Российын чоҥымаш министрже Ирек Файзуллин дене вашлийын. Тудо - Республикым вияндыме шотышто индивидуальный программым шуктымо дене регионын кураторжо. «Экологий» нацпроект дене келшышын республикыште «Юл эҥерым тазаҥдымаш» федерал проект график почеш шукталтеш. Тиде тылзыште Марий Турекыште очистной сооруженийым ыштен шуктеныт, черетыште Козьмодемьянск. Вашлиймаште эше ик темым нӧлталыныт. Тиде «Илымвер да оласе среда» национальный проектым шуктымо нерген. 1 ноябрьлан республикыште 300 тӱжем квадрт метр илымверым ыштыме, паша план дене кая. «Стимул» федерал программе дене Апшакплак ялыште шуко шочшан еш-влаклан пӧртым чоҥаш ойырымо кумдыкышто корным ыштат.
Комментариев: 0