Декабрь гыч Российыште, тыгодым Марий Элыштат, икмыняр вашталтыш илышышке пурен. Тыге мутлан, льгот дене пайдаланыше-влаклан «Кугыжаныш услуго» порталыште льгот нерген уведомлений-влак толаш тӱҥалыт. Тыгак нуно поезд да электричкылашке билетым интернет полшымо дене налын кертыт. Тидлан «Госуслуги» портал гыч перевозчикын сайтышкыже пурыман. 14 декабрь гыч еҥ-влак икмыняр вере пашам ыштат гынат, ик больничныйым налын кертыт. Электрон йӧн дене тудым налаш, шкем палдарыше документ да СНИЛС лийшаш улыт. Декабрь тылзе гыч медицин пашаеҥ-влак кугыжаныш услуго портал гыч ковид-пациент-влак дене пашам ыштымылан оксам налдыме шотышто вуйым шийын кертыт. Йодмашыште шке регионым да могай тылзылан окса тӱлалтын огыл палемдыман.
Комментариев: 0