12:46, 9-12-2020Марий тиште кече вашеш марий диктант

Марий тиште кече вашеш марий диктант. Тений чолга марий-влак 8-ше гана «Марла чын возена» тӱшка диктантым возеныт. Марий йылмым тӱрлӧ кӱкшытыштӧ палыше еҥ-влак, тунемше, студент, шанче пашаеҥ да молат шочмо йылмым палымыштым тергеныт. Пандемийлан кӧра диктант онлайн эртен. Дикнантын текстшым Марий кугыжаныш университетын шанчыже-влак ямдыленыт, тудо Какшанын сылнылыкшылан пӧлеклалтын - «Канде тасман, ужар солыкан Какшан».