Марий Эл Телерадио » Марий Эл Радио » Шереметев замокышто централизованный шокшым пуышо системым ыштеныт

11:35, 19-01-2021Шереметев замокышто централизованный шокшым пуышо системым ыштеныт

Шереметев замокышто централизованный  шокшым пуышо системым ыштеныт. Пытартыш кок ий тиде объектыште реставраций паша кая. Республикын 100 ийже вашеш замокын касвел могырыштыжо пашам шуктеныт, негызын  гидроизоляцийым, тыгак шокшым пуышо системым тӧрленыт, южо вере окна блокым вашталтеныт. Тидлан 7 миллионат 500 тӱжем тенге ойыралтын. Кодшо ийын икымше пачашыште фоем тӧрленыт, куполым саемденыт, тыгак 2-шо пачашыште телымсе садым ыштеныт. 

Регион вуйлатыше кодшо кечылаште Юрино поселкышто лийын. Тушто ыштыме пашалан акым пуэн. Ончыкыжым йыр улшо кумдыкым шотышто кучаш, мланде шӱйым оптымо верышке газон шӱдым ӱдаш темлен.  Тиде вер гыч турист-влак канен кайышаш улыт, садланак ончыкыжымат тиде объектым тӧрлаш да шотышко кондаш тӱҥалыт. 

Юрино районышто лиймыже годым Александр Евстифеев пашаче совещанийым эртарен. Район администраций вуйлатыше Марина Шихова районын экономике, промышленность, чоҥымаш, образований, медицин да моло сфере нерген ойлен. 2018 ий гыч районышто кугу инвестиций проект дене «Инструментальный стальым ыштыше» заводым чоҥат. Таче кечын тудым 80% ыштеныт. План дене тушто 7000 тонн продукцийым лукташ тӱҥалыт. Объектым 2022 ийыште ыштен шуктышаш улыт. Вашлиймашын повесткышкыже вес йодышымат пуртеныт - Юрино поселкышто 39 пачеран пӧртым кужу жап чоҥат. Таче кечын тудо 63% ямде. Пӧртым нӧлтен шукташ проект-смете документаций кӱлеш, инженер коммуникацийым ыштен шуктышаш улыт. Регион вуйлатыше чоҥышо организацийлан объектым ыштен писынрак чоҥен шукташ темлен. 

Корным чоҥымо нергенат ойленыт. Районын чекше дене эртыше , 42 километр кужытан Озерка-Марьино-Юрино, тыгак Копорулиха-Подгорное-Воскресенское автомашина корным федерал погышко кусарыме. Тений «Лӱдыкшыдымӧ да сай качестван автомашина корно» национальный проект дене тиде районышто гына 300 миллион теҥгем корным ышташ ойырат. 

Просмотров 385
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий