Погода в Йошкар-Ола:
Марий Эл Телерадио » Марий Эл Радио » Российысе Президентын грантшым налше-влакын лӱмышт пале улыт

16:09, 21-01-2021Российысе Президентын грантшым налше-влакын лӱмышт пале улыт

Российысе Президентын грантшым налше-влакын лӱмышт пале улыт. Элна мучко чылаже 2 тӱжем утла проектым илышыш шыҥдарат. Тидлан 4 миллиардат 200 тӱжем тенге оксам ойырымо. Марий Эл гыч 9 организацийын проектшым сайлан шотленыт.  Тиде радамыште «Виктория» йоча музыкальный театр. Тысе коллектив Вячеслав Абукаев-Эмгакын «Юзо шиялтыш»  йомакше негызеш телеспектакльым шындаш тӱҥалеш. Спектакльым Республикысе курчак театрыште ончыктат. Видеоверсийжым школлаште, ИКН предметыште кучылташ тӱҥалыт. Тылеч посна тудым воткылыш луктыт. Кызыт   арняште икмыняр гана репетиций-влак каят. Кажне гана самырык артист-влак театр мастарлыкыштым веле огыл таптат, тыгак марий калыкын тӱвыраж дене палыме лийыт. Каласыман, спектакльыште чылт руш йоча-влак модыт. Нунылан марий йылмым, модышым, куштымашым муро-влакым тунемаш пеш келша. Ушештарыман,  1 февраль гыч президент грантым налаш шонышо-влак угыч йодмаш-влакым пуэн кертыт. Тидым 15 март йотке ыштен шуктыман.

Просмотров 193
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий

  • Кликните на изображение чтобы обновить код, если он неразборчив