16:37, 21-01-2021Йошкар-Олаште национальный проект почеш тений Панфилов уремым тӧрлат

Йошкар-Олаште национальный проект почеш тений Панфилов уремым тӧрлат. Пашам «Корно сеть» регионысо проект дене келшышын шукташ тӱҥалыт. Кызыт корным чоҥаш подрядный организацийым ойырат. Ик километр наре корнышто тошто асфальтым фреза дене налыт, корно воктене бордюр кӱйым вашталтат, корно пале, разметке-влакым ыштат. Пашам 15 апрельыште тӱҥалын, 1 июль марте мучашлышаш улыт.