Погода в Йошкар-Ола:
Марий Эл Телерадио » Марий Эл Радио » Марий Элыште Самырык-влакын полатышт республикыште добровольчествым вияҥдаш тӱҥалеш

15:30, 17-03-2021Марий Элыште Самырык-влакын полатышт республикыште добровольчествым вияҥдаш тӱҥалеш

Марий Элыште Самырык-влакын полатышт республикыште добровольчествым вияҥдаш тӱҥалеш. Тидын нерген регион вуйлатыше Александр Евстифеев ресурс рӱдерыште лиймыже годым палемден. Добровольчествылан полшышо ресурс рӱдер Самырык-влакын полатыштыже верланен. Тудым 2019 ийыште ыштеныт, 2 миллион утларак тенгем пӧлем-влакым ачалаш да коворкинг-рӱдерым ышташ кучылтыныт. Республикысе адресно - инвестиционный программе дене тений 3 миллион теҥгем ойырат. Тиде окса дене Самырык-влакын Полатын реконструкцийжым тӱҥалаш проект-смете документацийым ямдылат. Тудын дене келшышын, полатым уэмдышаш улыт.   Ешарен кодаш лиеш, ресурс рӱдер поро кумылын пашам шуктышо тӱрлӧ ийготан-влакым уша, школышто тунемше-влак гыч тӱҥалын, кугырак ийготан-влак марте. Регион вуйлатыше коворкинг-рӱдерыште лийын, тыгак совещанийым эртарыме залым аклен, zoom-конференций-влаклан келыштарыме пӧлемыште лийын. Рӱдерым кызытсе жаплан келшышын ыштыме, но тушто кумдык шагал, садланак поро кумылым шуктышо-влак Самырык-влакын полатыштын кумдыкшымат кучылтыт, а тудыжым кызытсе жаплан келыштарыман. Марий Элыште «DOBRO.RU» порталын данныйже дене келшышын, 8714 доброволец, поро кумылым ыштыше 176 организаций шотлалтыт. 

Просмотров 262
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий

  • Кликните на изображение чтобы обновить код, если он неразборчив