14:47, 24-03-2021Волжский районысо Сотнур тӱвыра пӧртым капитально тӧрлаш тӱҥалыныт

Волжский районысо Сотнур тӱвыра пӧртым капитально тӧрлаш тӱҥалыныт. Тиде пашам «Культура» национальный проектын «Культурная среда» регионысо проектше дене келшышын илышышке пуртат. Пашам Йошкар-Оласе «Берег» ушем шукта, тудо февраль тылзыште увертарыме аукционышто сеҥен. Сотнур тӱвыра пӧрт у тӱсым тений сентябрь мучаш марте налшаш. Тидын нерген Волжский районын администрацийже увертара.