Шыжым Йошкар-Олаште «ший» волонтерствын рӱдерже почылтеш. Тиде проектым илышышке пурташ активист-влак шке проектыштым «Регион добрых дел» российысе конкурсышко колтеныт. Тудо «Образований» нацпроектын «Социальная активность» федерал проект дене келшышын эртаралтеш. Ӱмаште «Серебряные» волонтеры» проект федерал грантым сеҥен, тудын дене келшышын, республикыште рӱдерым ышташ да чыла районысо волонтер-влакым ушаш шонат. 2021 ийыште Марий Эл волонтерствым вияҥдаш 5 миллион утларак тенгем налын. Тиде окса дене районлаште добровольчествылан полшышо рӱдер-влакым почыт, тиде Медведево, Морко, Советский, Звенигово районлаште, тыгак Волжск да Козьмодемьянскыште. 15 апрельыште проектын регионысо этапше тӱҥалын, «Регион добрых дел» конкурсыш ушнаш шонышо-влак дечын йодмашым 6 май марте налыт. Ешартыш уверым Самырык-влакын Полатыштын сайтыште палаш лиеш – mol-dvorets@dm-mari.ru.
Комментариев: 0