Конституцийышке вашталтышым пуртымо йӱклымаш эл мучко санитар-эпидемиологий нормым шуктен эртаралтеш. Тидын нерген Владимир Путин дене пашаче совещанийыште Российын рӱдо сайлымаш комиссийын председательже Элла Памфилова увертарен. Конституцийышке вашталтышым пуртымо шотышто йӱклымаш 1 июльышто эрта. Ушештарена, тений январь тылзыште Россий Президент элын тӱҥ законышкыжо икмыняр вашталтышым пурташ темлен. Тыге 1993 ийыште пеҥгыдемдыме Конституцийышке кызытсе жаплан келшен толаш тӱҥалеш. Каҥашымаш, темлымаш-влак дечын вара ешартыш-влакым палемденыт. Нуно тӱҥ шотышто еҥ-влакын социал гарантийыштым аралаш, Кугыжаныш Думын рольжым кумдаҥдаш, чиновник да депутат-влакын пашаштым утларак эскераш, тыгак Россий законодательствым тӱнямбал кӱкшытыштӧ пеҥгыдемдаш.
Комментариев: 0