Морко районышто «Сӱан пайрем» тений дистанционно - онлайн йӧн дене эрта. Тыгодым конкурсышто сеҥыше-влакым Морко районын кечыжлан пӧлеклалтше пайремышке ӱжыт. Тудыжо август мучаште лиеш. «Сӱан пайрем» фестиваль йӱлашке пурен. Кодшо ийын фестивальышке ятыр регионла гыч коллектив-влак тӱрлӧ калыкын сӱан йӱлажым ончыктеныт. Регион кокласе кӱкшытышто фестиваль визымше гана эрта гын, шке историйжым кугу пайрем 9 ий ончыч районысо, вара республикысе кӱкшышыштӧ тӱҥалын. Кажне усталык коллектив але семӱзгар дене шоктен моштышо-влак оргкомитетышке шке программышт дене видеом колтышаш улыт. Жюри нуным тӱрлӧ номинацийыште акла Кажне номинацийыште икымше, кокымшо, кумшо вер дене палемдалтше-влак 28 августышто Морко районын кечыжлан пӧлеклатше пайремыште уна лийыт, туштак нунылан дипломым кучыктат. 
Комментариев: 0