13:58, 29-04-2021У Торъял да Оршанка районысо икмыняр яллашке «канде тулым» пурташ проект пашам мучашлат

Тений Звенигово районышто газораспределительный станцийым ыштат, Оршанка районысо Кугунур да Шуледӱр яллашке, Советский районысо Голубой да Солнечный поселко марте газ пучым шупшыт, У Торъял да Оршанка районысо икмыняр яллашке «канде тулым» пурташ проект пашам мучашлат. Тидын нерген газификаций да газоснабжений вияҥме шотышто пашаче тӱшкан заседанийыште ойленыт. 2025 ий марте республикыште 260 километр кужытан 17 межпоселковый газпучым чоҥат, тиде 58 ялышке газым пурташ полша, Волжский районышто газораспределительный станцийын реконструкцийже лийшаш.