Пандемий да мероприятий-влакым чарымылан кӧра, тений «Кеҥеж тургым» фестиваль август мучашке куснен. Кодшо кечылаште  Килемар район Алёшкино ялыште «Раздолье» турист комплексыште Э.Сапаев лӱмеш опер да балет театрын артистше-влак «Акпатыр» оперым ончыктеныт. Фестивальын унаже-регион вуйлатыше А.Евстифеев лийын. Тудо артист-влаклан таум ойлен. «Акпатыр» - икымше марий опере. Тудын премьерыже – 1963 ий 5 апрельыште МАССР драме театрыште лийын. 2017 ий гыч оперым пӱртӱсыштӧ ончыктат.  Тыге тудо кеҥеж жапыште тӱвыран шке шотан брендше лийын. 

Школ да йочасадлаште у тунемме ий вашеш дезинфекцийым ыштеныт. Тидым регион вуйлатыше Александр Евстифеевын кӱкштымашыже дене шуктеныт. Тиде паша йоча-влак коклаште коронавирус инфекцийым шижтараш кӱлеш. Йошкар-Олаште санобработкым 31 школ, 60 утла йочасад да нунын воктенсе кумдыкым ыштеныт. 

Марий Элын инфекционный стационарлаште 316 еҥ коронавирус ден тудын лийын кертме лӱдыкшӧ дене эмлалтеш. Ик суткаште стационарла гыч 9 пациентым колтеныт, 19 пациентым пыштеныт. Стационарлаште эмлалтше–влак гыч 299 пневмоний, 11 еҥын коронавиурс инфекций пенгыдемдалтын, 93 еҥ нелык черле, еҥ шодын искусственный вентиляцийыште, 130 утла – кислород полшымо дене шӱлат. 16 еҥын тиде вирус пеҥгыдемдалтын. 

Марий Элыште илымверым чоҥымаш сайын кая. Тидын нерген Юл кундемысе федерал округын вуйлатышышт дене эртарыме совещанийыште Россий Правительстве Председатель Марат Хуснуллин палемден. Регион-влакын социал-вияҥмаш шотышто йышке Марий Элын вуйлатышыже Александр Евстифеев ушнен. Тӱҥ шотышто «Илымвер да оласе среда», «Лӱдыкшыдымӧ да сай качестван автомшина корно», тыгак аварийный илымверла гыч еҥ-влакым кусарыме программе нерген ойленыт.  

5 сентябрьыште Татарстан Республикысе Менделеевск олаште «Марий кандыра» регион-влак кокласе кумшо этнофестивальым эртараш палемденыт. Тудо ончычрак лийшаш ыле, но тидлан коронавирус эпидемий чаракым ыштен. Тений фестивальым эртараш организатор-влак грантшым сеҥен налыныт. Районысо марий-влакын тӱвыра да калыкле автономийышт, Калык-влакын келшымаш пӧртышт ончылгоч фестиваль эртыме радамым палемденыт. Тушко профессионал, самодеятельный фольклор коллектив, тӱрло ийготан посна еҥ-шамычат ушнен кертыт. 

Килемар районышто тиде кечылаште «Территория согласия» калык-влак кокласе форум эрта. Тушко мемнан регионышто илыше 15 калыкын еҥышт чумыргеныт. Организатор-влак палемдат, активист-влак икте-весе кокласе кыл, пырля ыштыме проект нерген каҥашат, этнокультур пашам радамлат. 

Марий Элын южшо элыште ик эн яндарлан шотлалтеш. Россий регион-влакын рейтингыштыже мемнан республике 55 верыште. Тидын шотышто отчетым  FinExpertiza ыштен. Регонышто атмосферышке 54 тӱжем наре тонн южым лавыртыше веществам колтеныт, тышечын 37 тӱжем тонным предприятий-влак, 16 тӱжем утла тонным транспорт. Ик еҥлан шотлымаште, 79 кг шуэш. 

31 август - Российысе ветеринарий пашаеҥын профессионал пайремже палемдалтеш. Тиде кечым 2011 ий гыч руш православный черкын темлымашыже почеш палемдат. Ончыч тиде кече православный ветеринарын кечыже маналтын.   Ветеринарий- тиде шанчын ужашыже, тудо вольыкын черын профилактике да  диагностикым ышта, эмла. Ветеринарын профессийже моткоч чот ожнысо. 

Посна категорий граждан-влак  эмым да медицин изделийым яра ойыраш республике бюджет гыч Тазалык аралымаш министерствылан ешартыш шийвундым колтат. Тидын шотышто распоряженийым Республикын правительствыже ыштен. 25 млн теҥгем южо граждан эм препарат да тазалыкым вияҥдаш кӱлмӧ медицин изделийым налаш палемдат. Эше 7 миллионат пелым у коронавирус инфекцийын профилактике, тудым шижтарыме да тиде черым сеҥаш ойырат. 

Каныш кечылаште республикыште «Акпатыр» опере лиеш, тыгак «Кино йӱд акций», тидын дене пырля Килемар районышто «Территория согласия» форум почылтеш. Теве ынде икмыняр ий Э.Сапаев лӱмеш опер да балет театрын артистше-влак тиде постановкым Килемар районысо «Раздолье» турист комплексыште ончыктат. Тений тудо «Кеҥеж тургым» фестиваль жапыште 29 августышто эрта.