Пытартыш суткаште республикысе инфекций стационарла гыч 88 еҥым лукмо. Тидын годымак 36 еҥым госпитализироватлыме. Тӧрланыше еҥ-влакын чотышт кок пачаш шукырак.Тыге, Минздравын уверже почеш, республикысе инфекций стационарлаште 589 еҥ эмлалтеш.
Российын Президентше «Курымашлык полкым» кусарыме нерген ойлен. Специалист-влак дене каҥашен налме деч вара, Владимир Путин «Курымашлык полкым» 2021 ийыш кусарыме темлымаш дене келшен.
Кеҥеж тургым – пайрем-влаклан поян. Поснак тиде жапыште у еш-влак чумыргат. Но коронавирус инфекций шарлымым чактарыме амал дене ик жаплан ЗАГС-влак ешым регистрироватлаш заявленийым онлайн йӧн дене налыныт да уна-влакымат ЗАГС пӧлкаш пуртен огытыл.
Благовещенский башньыште марий-влакын акрет илышыштлан пӧлеклалтше ончер пашам ышта. Евсеев лӱмеш тоштерын «Караванный путь марийцев от Волги да Урала» лӱман ончерыште, курык, олык да эрвел марий-влакын илыш йӱлашт дене кылдалтше тошто арверым, ӱзгарым да вургемым ужаш лиеш.
20 июль гыч Марий Эл республикысе еш-влаклан кумшо йочалан да 3 гыч 7 ияш марте йоча-влаклан оксам тӱлаш тӱҥалыныт. Ушештарена, «Демография» национал проект почеш ешыште кумыт да кумыт деч шукырак йоча уло гын, - икшывын 3 ийым темымешкыже кажне тылзын ешлан оксам тӱлаш тӱҥалыт.
Марий Эл вуйлатыше Александр Евстифеев – чоҥымаш, архитектур да илышкыл-коммунал озанлык министр Михаил Степанов дене вашлиймашым эртарен. Республик вуйлатыше ден министр еҥ-влакым илаш йӧрдымӧ пӧртла гыч кусарыме нерген, у пӧрт-влакым чоҥымо нерген мутланеныт.
Йошкар-Олан ик уремыштыже йур канализацийым вераҥдат. Тыге Комсомольский уремын Чехов да Лев Толстой урем-влак коклсе кужытышто кызыт корным ачалыше-влак йӱр канализацийым ыштат.
Шушаш жапыште Благовещенский башньыште Евсеев лӱмеш тоштерын куснылшо ончерже пашам ышташ тӱҥалеш. Тудо марий калыкын историйиыжлан пӧлеклалтын.
Росгвардийын Марий Элысе кучемже закондымын саркуралым аралыше-влаклан ушештара: саркуралдам, патроным але пычалтарым шке кумылын конден пуэн кертыда. Идалык тӱҥалтыш гыч чылаже 6 тыгай саркуралым конденыт, тыгак 80 утла патроным намиеныт.
20 гыч 24 июль марте Марий Эл республикын прокуратурыжо «шокшо линийым» эртара. Тиде гана коронавирус инфекций шарлыме жапыште кугыжаныш тӧнежлаште тыршыше пашаеҥ-влаклан пашадарым тӱлымӧ шотышто йодышым пуаш лиеш.
