Марий Эл Радио

Марий Эл вуйлатыше Россий Президентын Посланийже шотышто кӱштымаш-влакым пуэн

  • Дата: 14:30, 27-04-2021
  • Просмотров: 362

Александр Евстифеев правительствын заседанийжым эртарен да палемден: республикысе кучем Президентын кӱштымашыжым шуктымашке кӱчык жапыште ушнышаш. 


Марий Эл Радио

Республикыште илыше-влак ветеран-влаклан полышым пуышо «Красная гвоздика» российысе патриот акцийышке ушнен кертыт

  • Дата: 14:29, 27-04-2021
  • Просмотров: 349

 Республикыште илыше-влак ветеран-влаклан полышым пуышо «Красная гвоздика» российысе патриот акцийышке ушнен кертыт. Тудо мемнан республикыште 27 апрель гыч 22 июнь марте эрта. Акцийышке ушнаш шонышо-влак йошкар гвоздике палым налшаш улыт. Тудым онлайн кевытлаште але супермаркетлаште оксала налаш лиеш. Тиде акций дечын погымо оксам ветеран-влаклан кӱкшо технологиян медицин полышлан колтат. Ешартыш увер :  гвоздика.рф сайтыште. 


Марий Эл Радио

Мер каҥашын шошо сессийыже еш, шочмо йылме да туныктымаш йодышлан пӧлеклалтын

  • Дата: 14:28, 27-04-2021
  • Просмотров: 329

Мер каҥашын шошо сессийыже еш, шочмо йылме да туныктымаш йодышлан пӧлеклалтын. Тиде форум кышкарыште Юмынйӱла ушемын 30 ий теммыжлан пӧлеклалтше конференций лийын. Российын тÿрлö кундемлаж гыч:   Башкортостан, Татарстан, Удмурт, республикыла, Киров, Свердловск, Угарман да моло кундемла гыч онаеҥ-влак пырля чумыргеныт.


Марий Эл Радио

Ижевск олаште «Театральное Приволжье» конкурсым иктешленыт

  • Дата: 14:26, 27-04-2021
  • Просмотров: 400

Ижевск олаште «Театральное Приволжье» конкурсым иктешленыт. Тудо Юл кундемысе федерал округын чыла регионлаштыже эртен. Тушко самырык да школысо 416 театр ушнен. Сеҥыше-влакым саламлымашке Юл кундемысе федерал округышто Росий Президентын ӱшаеҥже Игорь Комаров ушнен. Лауреат-влак радамыште Марий Эл гыч коллектив-влак улыт. Медведево поселкысо  калык театрын Сеҥымашын 75-ше идалыкше лӱмеш шындыме «У войны не женское лицо» постановкыжо «Самырык-влаклан эн сай спектакль» номинацийыште кокымшо вер дене палемдалтын. 


Марий Эл Радио

«Ший талешке» конференций чолга шымлызе-влакым палемден

  • Дата: 14:25, 27-04-2021
  • Просмотров: 342

Марий талешке кече вашеш шымлымаш паша конференций эртен. Тудо Волжский, Морко, Марий Турек, Советский, Звенигово, Шернур районласе школлаште тунемше ден кугурак ийготан еҥ-влак ушен. Сеҥыше-влакым ийгот да номинаций-влак дене келшышын, палемдыме. «Шкенан историйнам шарнена» номинацийыште 11-14 ияш-влак коклаште Волжский район Помар кыдалаш школ гыч Алина Владимирова ден Анна Ефимова сеҥышыш лектыныт, 15-18 ияш-влак коклаште Морко 6-шо номеран школ гыч Карина Борисова ойыртемалтын, 19 ияш –влак дечын кугырак номинацийыште кок сеҥыше.  


Марий Эл Радио

Самырык-влак элым аралаш каеныт

  • Дата: 14:24, 27-04-2021
  • Просмотров: 372

Йошкар-Ола гыч Россий вооруженный вийышке кайыше призывник-влакым ужатеныт. 24 самырык ен Касвел Сарзе округышто службым эрташ тӱҥалыт. Воин чап монумент воктене рвезе-влаклан мэр Евгений Маслов, рӱдоласе сарзе комиссар Игорь Артизанов сугыньмутым ойленыт. Ты марте Волжский район гыч 7 самырык рвезым ужатеныт. Шошо призыв жапыште армийышке Марий Эл гыч 700 самырык рвезе кая, призыв кампаний 15 июль марте шуйна.  


Марий Эл Радио

Кундемна яндаррак лийын

  • Дата: 14:22, 27-04-2021
  • Просмотров: 357

Тӱшка субботникышке организаций, пӧрт виктарыше компаний, школышто тунемше-влак ушненыт. Йошкар-Олаште тений субботник у йӧн дене эртен. Организаций да сотрудник-влак эн ончыч Сеҥымаш паркыште погыненыт, вара кажныже палемдыме кумдыкым тӱзаташ каен. Парк ден свер, пляж, ола уремлам моторракым ыштеныт. Тиде кечын тӱшка субботникышке ятыр вере кумылан-влакат лектыныт.Ешарен кодаш лиеш, тачысе кече гыч оласе кумыдыкым 2022 ийыште  тӱзатыме вер-влакым ойырымо шотышто йӱклымаш тӱҥалын. Тушко 14 ий дечын кугырак кажне кумылан еҥ ушнен кертеш. 


Марий Эл Радио

Поро паша ийготым ок пале

  • Дата: 11:08, 23-04-2021
  • Просмотров: 441

Шыжым Йошкар-Олаште «ший» волонтерствын рӱдерже почылтеш. Тиде проектым илышышке пурташ активист-влак шке проектыштым «Регион добрых дел» российысе конкурсышко колтеныт. Тудо «Образований» нацпроектын «Социальная активность» федерал проект дене келшышын эртаралтеш. Ӱмаште «Серебряные» волонтеры» проект федерал грантым сеҥен, тудын дене келшышын, республикыште рӱдерым ышташ да чыла районысо волонтер-влакым ушаш шонат. 


Марий Эл Радио

«Шарнымаш парклан йомаш огына пу»

  • Дата: 11:07, 23-04-2021
  • Просмотров: 617

«Шарнымаш парклан йомаш  огына пу». Аграрно-строительный техникумын студентше-влак «Ик йÿк дене» ойлат. 13 ий нуно Советский районысо У Ургакш ялыште верланыше «Тихие зори» лӱман паркым эрыктен да арален толыт. Тудым эше 33 ий ончычак почыныт. Тиде жапыште йыр улшо пече, капка да канаш келыштарыме устел ден теҥгыл палынак тоштемыныт. Садлан студент-влак паркым тӱзатен уэмдаш тӱрло йӧным кычалыт. Тидлан келшыше проектымат возеныт. 


Марий Эл Радио

Республикын районлаштыже корным тӧрлат

  • Дата: 11:06, 23-04-2021
  • Просмотров: 395

Оршанка район «Лӱдыкшыдымо да сай качестван автомашина корно» национальный проектышке кумшо ий почела ушнен. Тиде кундем Йошкар-Ола агломерацийышке пура. Тачысе кечылын индеш корным тӧрленыт: тиде Стахановский, Пушкин, Родигин, Рабочий, Юбилейный да молат.