Марий Эл Радио

Март тылзыште республикыште икмыняр сатулан ак шергештын

  • Дата: 15:16, 15-04-2021
  • Просмотров: 364

Март тылзыште республикыште чыве муно, сакыр, чыве шыл шергештын. А теве кешыр, йошкарушмен, ковышта, шоган, олмалан ак шулдештын. Киярын акше -24 процентлан волен, а эн чот мартыште пеледыш -16 процентлан –  шергештын. Тидын нерген Маристат палдара. Эм препарат-влаклан ак вашталтын огыл, южыжо мӧҥгешла, шулдештыныт. Туризм да каныш сфере нерген ойлаш гын, кинотеатрышке билет 6 процентлан шергырак лийын, санаторийыште каналташланат, ончычсо дене таҥастарымаште 3 процентлан шукырак тӱлаш логалеш. 


Марий Эл Радио

Кундемыштына 31 тӱжем утла еҥ коронавирус дечын прививкым шынден

  • Дата: 15:14, 15-04-2021
  • Просмотров: 381

Кундемыштына 31 тӱжем утла еҥ коронавирус дечын прививкым шынден. У инфекций дечын прививике полшымо дене аралалташ куштылгырак лийын. Республикыште стационарный да выездной пункт-влак пашам ыштат, тыгак мобильный бригаде-влак районлаште илыше-влакым вакцинацийышке наҥгаят. 


Марий Эл Радио

Марий Эл вуйлатыше Александр Евстифеев регионысо вияҥмаш шотышто Россий правительстве комиссийын заседанийшкыже ушнен

  • Дата: 15:13, 15-04-2021
  • Просмотров: 401

Марий Эл вуйлатыше Александр Евстифеев регионысо вияҥмаш шотышто Россий правительстве комиссийын заседанийшкыже ушнен. Видеоконференций йӧн дене тудым Правительстве Председательын алмаштышыже Марат Хуснуллин эртарен. Тӱҥ йодыш семын – корно паша сферыште субъект-влак нерген мутланеныт. 


Марий Эл Радио

Прозо, поэзий, драматургий сборник-влак да эсогыл нотный изданий

  • Дата: 11:29, 15-04-2021
  • Просмотров: 410

Прозо, поэзий, драматургий сборник-влак да эсогыл нотный изданий. Марий книга савыктыш 2021 ийыште савыктышаш паша план дене палдарен. Тений сылнымут 22 у книга дене пойдаралтшаш. У савыктыш-влак шукыж годым «Марий Элын кугыжаныш национальный политикыже» федерал программе почеш але вес сылнымут проект полшымо дене савыкталтыт. 


Марий Эл Радио

Лишыл жапыште имне спорт школ «Чудо-кони» йоча да самырык-влаклан комплексыш кусна

  • Дата: 11:27, 15-04-2021
  • Просмотров: 297

Лишыл жапыште имне спорт школ «Чудо-кони» йоча да самырык-влаклан комплексыш кусна. Кызыт тушто спорт оборудованийым, всадник-влакын тренировкылан да таҥасымашлан йӧрышӧ экипировкым, 25 имньылан келыштарыме ӱзгарым, турнирлык барьерым, ялозанлык техникым, имньым ашнаш кучылтмо препарат ден кочкышым вес вере наҥгаят. «Чудо-кони» имне спорт базе Медведево район Кугу Шаплак ялыште верланен. Тушто базе ты вид дене тренировкым, таҥасымашым эртараш тӱрлӧ кӱлешан йӧн дене келыштаралтын. Ты спорт объектын кумдыкыштыжо 3 манеж уремыште да икмынярже леведыш йымалне келыштарыме улыт. Чыла манежыште шартышыже Европа кӱкшытан стандартлан келшен толшо. Имньылан душ, солярий, куржталме корно, канаш лукмо вер йӧнештаралтыныт. Тыгак спортсмен-влаклан каныме, вургемым вашталтен чийыме, кочмо верла, душ, актовый зал улыт. Тренировко, сборым эртарашат йӧн ышталтын.


Марий Эл Радио

Лишыл жапыште имне спорт школ «Чудо-кони» йоча да самырык-влаклан комплексыш кусна

  • Дата: 11:27, 15-04-2021
  • Просмотров: 293

Лишыл жапыште имне спорт школ «Чудо-кони» йоча да самырык-влаклан комплексыш кусна. Кызыт тушто спорт оборудованийым, всадник-влакын тренировкылан да таҥасымашлан йӧрышӧ экипировкым, 25 имньылан келыштарыме ӱзгарым, турнирлык барьерым, ялозанлык техникым, имньым ашнаш кучылтмо препарат ден кочкышым вес вере наҥгаят. «Чудо-кони» имне спорт базе Медведево район Кугу Шаплак ялыште верланен. Тушто базе ты вид дене тренировкым, таҥасымашым эртараш тӱрлӧ кӱлешан йӧн дене келыштаралтын. Ты спорт объектын кумдыкыштыжо 3 манеж уремыште да икмынярже леведыш йымалне келыштарыме улыт. Чыла манежыште шартышыже Европа кӱкшытан стандартлан келшен толшо. Имньылан душ, солярий, куржталме корно, канаш лукмо вер йӧнештаралтыныт. Тыгак спортсмен-влаклан каныме, вургемым вашталтен чийыме, кочмо верла, душ, актовый зал улыт. Тренировко, сборым эртарашат йӧн ышталтын.


Марий Эл Радио

Марий Элыште илыше-влак ГТО нормативым сдатлен кертыт

  • Дата: 11:25, 15-04-2021
  • Просмотров: 337

Марий Элыште илыше-влак ГТО нормативым сдатлен кертыт. 24 апрельыште «Сосновая роща» тунемме-тренировочный базыште «Готов к труду и обороне» российысе физкультур-спорт комплексын фестивальже лиеш. Мероприятий комплексын 90 ийжылан пӧлеклалтын. Фестивальын программыштыже – спорт да туризм таҥасымаш. Участник-влак снаряд да мечым кышкаш тӱҥалыт, тыгак рюкзакым погымо, пышкем-влакым кылдымаште, палаткым вераҥдымаште, тулотым ылыжтымаште таҥасаш тӱҥалыт. Мероприятийышке 13 гыч 39 ияш марте кумылан-влакым ӱжыт. Нуным ныл ийготан тӱшкалан шелыт. Фестивальышке ушнышо-влакын пеленышт медицин справке лийшаш, тыгак ГТО сайтыште регистрацийым эртыман –  gto.ru


Марий Эл Радио

Республикыште турист тургым тӱҥалын

  • Дата: 11:24, 15-04-2021
  • Просмотров: 456

Россий мучко канаш кайыше, турым «Мир» карте дене тӱлышӧ-влаклан, тудын акше гыч 20 процент пӧртылеш. Спорт да туризм министерстве увертара: Марий Элыштат тиде программе дене икмыняр вере канаш миен толаш лиеш. Тиде ныл санаторий, тазаҥдыме комплекс, 8 унагудо да отель, тыгак кумылан-влак Козьмодемьянскыште Юл эҥер гочын круизышке каен кертыт. Кок теплоход май тӱҥалтыштак толеш. Российыште турист кэш-бэк программе кодшо ийынак тӱҥалын, тудын черетан этапше 18 март гыч 15 июнь марте шуйна. Турым налме годым, тудым «Мир» карте дене тӱлыман, турын акше гыч 20 процент 5 паша кече жапыште уэш пӧртылеш. 


Марий Эл Радио

Йошкар-Олаште Росгвардийын пашаенышт гражданский саркуралын озаштым тергеныт

  • Дата: 11:23, 15-04-2021
  • Просмотров: 295

Йошкар-Олаште Росгвардийын пашаенышт гражданский саркуралын озаштым тергеныт. Кок арня жапыште правилым, аралыме йӧным онченыт. Тидын дене пырля саркуралым лӱдыкшыдымын кондыштарыме, тыгак устройствым кучылтмо нерген ойленыт. Тергымашым эртарымеке, Йошкар-Олаште илыше кок еҥ ваштареш административный протоколым возеныт. Нуно оружийым закондымын налыныт да араленыт, ик еҥым саркуралым йоҥылыш аралымылан кӧра, муткучаш шогалтеныт. Тачысе кечын Марий Элыште саркуралым кучылташ 11 тӱжем утла еҥын лицензийже уло.  

 

Марий Эл Радио

Индешымше май вашеш Кугу ачамланде сарын участник да инвалидше-влаклан иканаште ойырымо выплатым тӱлат

  • Дата: 11:20, 15-04-2021
  • Просмотров: 355

Индешымше май  вашеш Кугу ачамланде сарын участник да инвалидше-влаклан иканаште ойырымо выплатым тӱлат. Тиде 10 тӱжем теҥге. Тудым, йодмашым возыде, автоматически колтат. Йошкар-Олаште тыгай выплатым 76 ветеран налшаш, нунын радамыште 10 еҥ – сарын инвалидше, 64 еҥ – сарын участникше. Ветеран-влаклан тиде оксам апрель тылзыште пенсий дене пырля колтат. 

Ушештарена, 2020 ийыште Россий Президент Владимир Путинын указше дене келшышын, Сеҥымашын 75-ше идалыкше лӱмеш ветеран-влаклан 75 але 50 тӱжем теҥге дене пуэныт. Республикыште тиде выплатым 4902 еҥ налын.