Главная > Марий Эл Радио > Юрино поселкышто у стадионым почыныт

Юрино поселкышто у стадионым почыныт


14:47, 20-07-2021. Разместил: zhannk

«Спорт-илышын нормыжо» регионысо проект дене келшышын, Юрино поселкышто у стадионым почыныт. Пашалан 1 миллион теҥге ойыралтын. Стадионышто кугу футбол пасу, тыгак волейбол да баскетбол площадке-влак улыт, ончышо-влаклан трибуно келыштаралтын. Спортплощадыкыште синтетический шартышым ыштеныт. Республикын самырык-влак политике, спорт да туризм министр Лидия Батюкова палдарен: стадионышто баскетбол, волейбол, футбол, куштылго атлетике дене занятий-влак эртаралташ тӱҥалыт. Регион вуйлатыше районышто илыше-влаклан сеҥымашым тыланен да мече-влакым пӧлеклен. Юрино районышто 22 спорт объект уло, 2019 ийыште школ пелен ГТО нормативым сдатлаш площадкым почыныт. 

Александр Евстифеев Юринышто лиймыже годым социал-экономике вияҥмаш шотышто совещанийым эртарен. Юрино-Сумки  коклаште паромный переправым ышташ тӱҥалыт. Тачысе кечын тушто кумдыкым тӱзатат, тергыме технический рейс-влак лийыныт. Регион вуйлатыше палемден: паромный переправе районлан социал кӱлешан объект, Козьмодемьянскышке эмлымверышке каяш, турлӧ сатум шупшыкташ,  моло йодышланат. Тыгак Александр Евстифеев Шереметев замокышто совещанийым эртарен. Тушто ыштыме паша иктешлалтын. 

Тидын дене пырля Юрино поселкышто кеҥеж тургым жапыште «Лебединое озеро» балет лийын. Тушто регион вуйлатыше ятыр моло уна дене пырля спектакльым ончен. 


Вернуться назад