Республикыштына школышто тунемше-влакын ача-авашт у тунемме ийлан окса полышым налаш тӱҥалыныт

Республикыштына школышто тунемше-влакын ача-авашт у тунемме ийлан окса полышым налаш тӱҥалыныт. Россий Президентын кӱштымыже дене келшышын,  Пенсий Фонд 2-шо август гыч – палемдыме жап деч кок арнялан ондакрак – школыш коштшо икшыван еш-влаклан оксам тӱлаш тӱҥалын. Ик гана тӱлымӧ лу тӱжем теҥге йочам школлан ямдылаш пуалтеш. Ешыште кокыт але утларак йоча уло гын, выплате чылаштланат ойыралтеш. Полышым тазалык дене эмганен вияҥше да тунемме тӧнежлаште шинчымашым погышо 23 ияш марте йоча-влаклан ойырат. Марий Элыште у тунемме ий вашеш полышым 110 тӱжем еҥлан пуышаш улыт.