Вес ийын Марий Элыште 233 километр корным тӧрлышаш улыт
13:59, 10-09-2021. Разместил: zhannk
Вес ийын Марий Элыште 233 километр корным «Лӱдыкшыдымӧ да сай качестван автомашина корно» нацпроект дене келшышын тӧрлышаш улыт. Паша план дечын ончыч кайышаш. Тидын нерген корным ыштыме пашалан пӧлеклалтше брифингыште транспорт министр Александр Герасименко увертарен.
Тений 24 объектыште 244 километр корным чоҥеныт, тыгак Йошкар-Оласе агломерацийышке пурышо 17 километрым тӧрленыт. Шуко вере паша мучашлалтын. Тений рӱдо олаште Советский, Медицинсий, Подольский курсант-влак, Эшкинин уремлаште пашам мучашленыт. Тыгак Курыкмарий, Юрино, Морко, Звенигово, Волжский районлаште у корным ыштен шуктымо. 2022 ийлан планышке пуртымо корным ончылгоч тӧрлаш тӱҥалыныт, тений паша Машиностроитель-влак, Панфилов, Лебедев уремлаште чоҥышо-влак тыршат.
Вернуться назад