Корным чоҥышо-влак Йошкар-Олаште Герцен уремым тӧрлат

Корным чоҥышо-влак Йошкар-Олаште Герцен уремым тӧрлат. Паша Панфилов гыч Суворов урем марте шуйна. Тидын нерген оласе мэрийыште палдарат. Подрядный организаций тошто асфальтым кораҥден. Ончыкыжым пашазе-влак кок лончо дене у асфальтым шарат, корно пале-влакым вераҥдат да разметкым ыштат. Тиде уремыште корным нацпроект дене келшышын тӧрлат.