Эрик Сапаев лӱмеш опер да балет театрыште у ойыртемалтше постановкым ямдылат

Эрик Сапаев лӱмеш опер да балет театрыште у ойыртемалтше постановкым ямдылат. «Белый лебедь» балет – труппылан йӧршын у спектакль. Хореографий, костюм, декораций, либретто – чылажымат республикысе усталык шӱлышан коллектив ыштен. Кызыт балет труппо партий-влакым ямдыла, цехлаште костюм-влакым ургат, декорацийым келыштарат. У балет кызытсе жапыште илыше айдемын да тудын шкеж дене кучедалмашыже нерген палдара.  Спектакльын премьерыже октябрь мучаште лиеш, самырык-влак тушко билетым «Пушкинская карта» дене налын кертыт.