Российыште поро йӱлаш пурышо «Ёлка желаний» У ий акций тӱҥалын
16:38, 22-11-2021. Разместил: zhannk
Российыште поро йӱлаш пурышо «Ёлка желаний» У ий акций тӱҥалын. Йӱштӧ Кугызалан серышым возен, шонымашкат шуаш лиеш. Йодмашым акцийын сайтыштыже 11 декабрь марте коден шуктыман. Акцийышке тулык да ача-ава полыш деч посна кодшо, начаррак тазалыкан 3 гыч 17 ияш марте йоча-влак, изи парышан ешлаште илыше икшыве да начар тазалыкан 60 ияш деч кугурак еҥ-влак ушнен кертыт. Шонымашым шуктышо еҥ семын кажныже шке кумылжым ончыктен кертеш. Тидлан сайтыш пурен келшыше серышым ойырен, озажлан пӧлекым колтыман. Тыгак пӧлекым погышо пункт-влакым тӱрлӧ организаций пелен почмо. Тиде поро паша 2 декабрь гыч 28 февраль марте каяш тӱҥалеш.
Вернуться назад