Марий Элыште иктешлыше кугыжаныш экзамен тӱҥалын

Марий Элыште Россий регион семынак иктешлыше кугыжаныш экзамен тӱҥалын. ЕГЭ пунктлаште чыланыштлан дезинфекцийым ыштат, температурым висат, кабинетыште йоча-влакым икте коден шындат. Моло шотышто экзамен ончычсо семынак эрта. Таче тунемше-влак географий, литератур да информатике дене экзаменым кучат. Эн тӱшка экзамен руш йылме дене лиеш, тудо кок кече шуйна - 6 да 7 июньышто . Резерв кече-влак 24 да 25 июльышто. Кӧ экзаменым кызыт кучен огеш керт гын, экзаменым кучымо кокымшо толкын августышто лиеш. Ешарен кодена, Российын туныктыш министерствыже абитуриент-влаклан вузышко документым онлайн йӧн дене пуаш темлен. Республикыште университет-влакат выпускник-влакын документыштым личный кабинет гоч налыт.