Волжскышто добровольчество рӱдер почылтын

Волжскышто добровольчество рӱдер почылтын. У учреждений техник рӱдер пелен верланен. Тушто пӧлем-влакым тӧрленыт,  у мебельым налыныт, тыгак кызытсе жаплан келшыше технике дене пойдареныт. Тачысе кечын Волжск олаште ик эн чолга доброволец-влак улыт. «Счастливый билет» волонтер отряд 10 ий ончыч ышталтын, нуно тӱҥ шотышто тазалык дене эмганен вияҥше йоча-влак дене пашам ыштат. 

Марий Элыште идалык мучаш марте куд добровольчество  рӱдер лиеш. Ты марте Козьмодемьянск, Советский, Медведево, Звениговский районлаште ышталтыныт гын,  Лишыл жапыште рӱдер Моркышто пашам ышташ тӱҥалеш. Кодшо ийын Марий Эл «Регион добрых дел» российысе конкурсышто сеҥымеке, проект-влакым илышышке пурташ 5 миллион теҥге дене палемдалтын.